Ուկրաինան ԱՄՆ-ից ստացել է հեղուկացված բնական գազի առաջին խմբաքանակը

Ուկրաինան ԱՄՆ-ից ստացել է հեղուկացված բնական գազի առաջին խմբաքանակը, որը բաղկացած է 100 միլիոն խորանարդ մետր կապույտ վառելիքից, ուրբաթ հայտնել է DTEK ուկրաինական էներգետիկ հոլդինգը։
«DTEK-ը՝ Ուկրաինայի խոշորագույն մասնավոր էներգետիկ ընկերությունը, այսօր ստացել է հեղուկ բնական գազի (LNG) իր առաջին բեռները ԱՄՆ-ից այն բանից հետո, երբ LNG փոխադրող նավը խարիսխ է գցել Հունաստանում»,- ասվում է էներգետիկ հոլդինգի կայքում հրապարակված հաղորդագրության մեջ։
Նշվում է, որ այս առաքումն առաջինն է ԱՄՆ-ից նմանատիպ բեռնափոխադրումների շարքում։ «Այն ժամանեց մի քանի օր առաջ, երբ Ուկրաինան վերջնական տեսքի բերեց ռուսական գազն իր տարածքով Եվրոմիություն փոխադրելու համաձայնագիրը»,- հավելել է ընկերությունը։