Սպիտակ տունն առաջին մեկնաբանությունն է կատարել ադրբեջանական ինքնաթիռի կործանման վերաբերյալ

Սպիտակ տունը տեսնում է «նախնական նշաններ», որ Բաքու-Գրոզնի ինքնաթիռը կարող էր խոցված լինել Ռուսաստանի ՀՕՊ-ի կողմից: Այս մասին այսօր հայտարարել է Սպիտակ տան ռազմավարական հաղորդակցությունների հարցերով համակարգող Ջոն Քիրբին:

«Սպիտակ տունը նախնական նշաններ է տեսել, որ Բաքու-Գրոզնի ինքնաթիռը կարող էր խոցվել Ռուսաստանի ՀՕՊ-ի կողմից»,- ասել է լրագրողներին Քիրբին՝ հրաժարվելով այլ մանրամասներ հաղորդել։

Ամերիկյան կողմը պատրաստ է աջակցելու կործանման հետաքննությանը, հայտարարել է Սպիտակ տան խորհրդականը։

«Մենք առաջարկել ենք մեր օգնությունը հետաքննության հարցում»,- ասել է Քիրբին։