Զինյալները գրավել են Դամասկոսից 35 կմ հարավ գտնվող Էս Սանամայն քաղաքը

Սիրիայում ապստամբները գրավել են Դամասկոսի մերձակայքում գտնվող Սանամաին քաղաքը։ Այս մասին նրանք հայտնել են իրենց թելեգրամ-ալիքում։

Էս-Սանամաինը գտնվում է Դարաայի նահանգում, նրա և Դամասկոսի հարավային ծայրամասերի միջև հեռավորությունը մոտ 35 կմ է։ Թուրքամետ ահաբեկիչները պնդում են, որ գտնվում են «մայրաքաղաք Դամասկոսի հարավային դարպասից 20 կմ-ից պակաս հեռավորության վրա»։

Զինված ընդդիմության ներկայացուցիչները հայտնել են, որ գրոհայիններն սկսել են Դամասկոսի շրջափակման գործողության «վերջնական փուլը»։

Սիրիայի պաշտպանության նախարարությունն իր հերթին հերքել է քաղաքի արվարձաններից զինված ուժերի դուրսբերման մասին տեղեկությունը։ Գործակալությունն այս տեղեկությունն անվանել է կեղծ և մեղադրել «ահաբեկչական կազմակերպություններին» այն տարածելու մեջ՝ խաղաղ բնակչության շրջանում խուճապ և վախ սերմանելու նպատակով։
«Հայաթ Թահրիր ալ-Շամ» իսլամիստական ​​խմբավորման գլխավորած ապստամբները նոյեմբերի 27-ին հարձակում են սկսել: Մարտերը երկրում հակամարտության ամենանշանակալից էսկալացիան էին 2020 թվականից ի վեր, երբ հրադադար հաստատվեց Ռուսաստանի և Թուրքիայի միջնորդությամբ։

Իդլիբ նահանգը և երկրի՝ մեծությամբ երկրորդ քաղաքը՝ Հալեպը, գտնվում են գրոհայինների վերահսկողության տակ։