Մանրամասներ՝ հատուկ պահպանվող տարածքում որսագողության դեպքից

Վայրի բնության և մշակութային արժեքների պահպանման հիմնադրամից հայտնում են, որ նոյեմբերի 23-ի գիշերն արտակարգ միջադեպ է տեղի ունեցել Կովկասյան կենսաբազմազանության ապաստարանի (CWR) և Խոսրովի անտառ պետական արգելոցի սահմանակից տարածքում: Մի խումբ անձինք՝ զինված հրազենով, որսորդական հանդերձանքով և գիշերային տեսողության սարքավորումներով, ներթափանցել են հատուկ պահպանվող տարածք:
Կանխվել է խմբի փախուստը և առգրավվել են 2 միավոր ակոսափող հրազեն՝ առանց փաստաթղթերի
Անձինք փորձել են կրակել պահպանության տեսախցիկի ուղղությամբ՝ փորձելով վնասել FPWC գույքը։
Տարածքը գտնվում է հատուկ պահպանության ներքո՝ Վայրի բնության և մշակութային արժեքների պահպանման հիմնադրամի (FPWC) և պետական կառույցների կողմից։ Այստեղ որսի իրականացումը խստիվ արգելված է։