«Կընդունի՞ Ավինյանի բանավեճի հրավերը, թե՞ ոչ»․ Հայկ Մարությանի պատասխանը

Երևանի ավագանու վերջին նիստում քաղաքապետ Տիգրան Ավինյանը հայտարարել էր, որ պատրաստ է ցանկացած ձևաչափով, ցանկացած ժամի ու վայրում բանավիճել Հայկ Մարությանի հետ։

«Օրագիր նյուզը»-ը Մարությանից հետաքրքրվել է՝ արդյոք պատրաստ է ընդունել Ավինյանի հրավերը, թե ոչ։

«Մամուլի խոսնակը դրա մասին այս երկու օրվա մեջ կհայտարարի»,- նշել է Մարությանը։

Հիշեցնենք, որ նախկին քաղաքապետ Հայկ Մարությանը առաջարկում է չթանկացնել տրանսպորտի ուղեվարձը և այդ նպատակով ստորագրահավաք է սկսել Երևանում:

Նրա խոսքով՝ այն մարդիկ, որոնք հրաժարվում են միանալ ստորագրահավաքին, ունեն հստակ պատճառներ․ «Հիմնական պատճառը պետական ստրուկտուրաներում աշխատանք ունենալն է»։