«Ձեզ մոտ ի՞նչ ա փոխում՝ ով ա հրաժարական տվել, ով չի տվել»․ Գագիկ Մելքոնյանը՝ լրագրողին

«Ձեզ մոտ ի՞նչ ա փոխում՝ ով ա նախարար լինելու, ով չի լինելու, ով ա հրաժարական տվել, ով չի տվել»,- «ԱրմԼուր»-ի՝ պաշտոնանկությունների վերաբերյալ հարցին ի պատասխան ասաց ՔՊ-ական պատգամավոր Գագիկ Մելքոնյանը՝ շեշտելով, թե ներքին խնդիրներ են, կարևորն այն է, որ անվտանգության հարց չկա․ «Իրանց չեն ազատել, վարչապետն ասաց, որ խնդրել է իր ընկերներին՝ դիմում գրեն, դուրս գան։ Ոչ մի վտանգավոր բան չկա մեր երկրի համար։ Կարևորը՝ մեր երկրի սահմանները պաշտպանված են»,- նշեց Մելքոնյանը՝ հավելելով, որ կիրակին իրենց համար աշխատանքային օր է եղել, վարչապետն էլ օրը 24 ժամ աշխատում է․ պաշտոնանակությունները ոչ աշխատանքային օրով չեն եղել։