Հաստաբուն ծառն արմատից պոկվել ու ընկել է ավտոմեքենաների վրա

Այսօր՝ հոկտեմբերի 17-ին, ժամը 14:00-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Բայրոնի 4 շենքի մոտ հաստաբուն ծառը արմատից պոկվել ու ընկել է ավտոմեքենաների վրա: Ինչպես դեպքի վայրից հայտնում է ֆոտոլրագրող Գագիկ Շամշյանը, նախնական տեղեկությունների՝ բարեբախտաբար տուժածներ չկան:
Դեպքի փաստով ոստիկանության կենտրոնական բաժնում փաստաթղթեր են ձևակերպվում: Թե ով է արդյոք փոխհատուցելու քաղաքացիների կրած վնասը՝ հայտնի չէ, քաղաքացիներն էլ նշում էին, որ նշված ծառը հեռացնելու համար բազմաթիվ անգամ ահազանգել են Երևանի քաղաքապետարանի թեժ գիծ, Կենտոնի թաղապետարան, սակայն ոչ մի օգուտ: Բնակիչներն ասում էին, որ եթե ժամանակին ծառը հեռացվեր, որը ամբողջությամբ փտած էր, այսօր այս դեպքը չէր լինի: Երջանիկ պատահականություն է, որ տապալման ժամանակ հետիոտներ անցնելիս չեն եղել: