Անկարգություններ ու բախումներ` Նեթանյահուի նստավայրի մոտ

Երուսաղեմում վարչապետի նստավայրի մոտ անկարգություններ ու բախումներ են տեղի ունեցել ցուցարարների ու ոստիկանների միջև։

«Իսրայելի ձայն»-ի փոխանցմամբ՝ ցուցարարները ճեղքել են առաջին անցակետը։ Ամբոխի մեջ կրակ է վառվել։

Ոստիկանությունը բողոքի ակցիան անօրինական է ճանաչել, իսկ անկարգություններ հրահրողները բերման են ենթարկվում։ Նախաձեռնողների խոսքով՝ իրենց ակցիան կոչվում է «Զայրույթի ցուցադրություն»՝ ընդեմ Նեթանյահուի քաղաքականության:

Հիշեցնենք՝ ցուցարարները պահանջում են հրադադար «Համաս»-ի հետ և գերիների վերադարձ: