F-16-ի կործանումից հետո Զելենսկին աշխատանքից ազատել է Ուկրաինայի ռազմաօդային ուժերի հրամանատարին

Ուկրաինայի նախագահ Վլադիմիր Զելենսկին Նիկոլայ Օլեշչուկին ազատել է Ուկրաինայի զինված ուժերի ռազմաօդային ուժերի հրամանատարի պաշտոնից։ Այս մասին հայտնում է Ուկրաինայի նախագահի պաշտոնական կայքը։

Վերլուծականները ռազմաօդային ուժերի հրամանատարի հրաժարականը կապում են օգոստոսի 26-ին ուկրաինական քաղաքների վրա ռուսական հրթիռակոծությունների և անօդաչու սարքերի լայնածավալ հարձակումը հետ մղելիս F-16 կործանիչի կործանման հետ։ Ուկրաինական զինված ուժերի գլխավոր շտաբը հաստատել է, որ կործանիչը ոչ թե խոցվել է հակառակորդի կողմից, այլ վթարի ենթարկվել, ամենայն հավանականությամբ, օդաչուի սխալի հետևանքով:

Դրա հետևանքով էլ Զելենսկին աշխատանքից ազատել է Ուկրաինայի ռազմաօդային ուժերի գլխավոր հրամանատարին։
Գեներալ-լեյտենանտ Անատոլի Կրիվոնոժկոն ժամանակավորապես կզբաղեցնի Ուկրաինայի զինված ուժերի ռազմաօդային ուժերի հրամանատարի պաշտոնը։