Իրանի ԶՈւ-ն հերքել է Ռաիսիի ուղղաթիռի կործանման պատճառի մասին Fars-ի պնդումները

Իրանի զինված ուժերի գլխավոր շտաբը հերքել է Fars լրատվամիջոցի պնդումները նախագահ Էբրահիմ Ռաիսիի ուղղաթիռի կործանման պատճառի վերաբերյալ, հաղորդում է Mehr-ը։

Ավելի վաղ Fars-ը՝ վկայակոչելով անվտանգության ուժերի տեղեկացված աղբյուրը, հայտնել է, որ Ռաիսիի ուղղաթիռում ուղևորների թիվը 2-ով ավելի է եղել թույլատրելի թվից, ուստի այն չի կարողացել անհրաժեշտ բարձրություն հավաքել և մառախուղի առաջացրած ցածր տեսանելիության պայմաններում բախվել է լեռանը։

Արձագանքելով այս հրապարակմանը՝ Իրանի զինված ուժերի գլխավոր շտաբի հաղորդակցությունների կենտրոնը հայտարարել է, որ «այն, ինչ նշված է հոդվածում, խեղաթյուրված է և կեղծ»։