«Այդ գործարքը պետք է շուտափույթ կնքել». Հարիսը՝ Նեթանյահուին

ԱՄՆ փոխնախագահ Քամալա Հարիսը հանդիպում է անցկացրել Իսրայելի վարչապետ Բենյամին Նեթանյահուի հետ, որի ընթացքում նրան հայտնել է ՀԱՄԱՍ շարժման հետ հրադադարի շուրջ պայմանավորվածության շուտափույթ կնքման անհրաժեշտության մասին: Այս մասին հայտնում է Սպիտակ տան մամուլի ծառայությունը:

Հարիսը հայտնել է, որ իր մտահոգությունն է հայտնել՝ Գազայի հատվածում խաղաղ բնակչության շրջանում մեծ թվով զոհերի կապակցությամբ:

Հարիսը նաև հայտնել է, որ աջակցում է ԱՄՆ նախագահ Ջո Բայդենի առաջարկած հրադադարի պայմանավորվածության նախագծին: «Այդ գործարքը պետք է շուտափույթ կնքել»,- Նեթանյահուին ասել է Հարիսը: