Թրամփի 17-ամյա թոռնուհին քաղաքական առաջին ելույթն է ունեցել

Միլուոկիում Հանրապետական կուսակցության ազգային համագումարում ելույթով հանդես է եկել ԱՄՆ նախկին նախագահ, նախագահի թեկնածու Դոնալդ Թրամփի ավագ թոռնուհին՝ 17-ամյա Քայի Մեդիսոն Թրամփը։

Քայի Թրամփը Դոնալդ Թրամփ կրտսերի և նրա նախկին կնոջ՝ Վանեսա Թրամփի դուստրն է։ Նա Թրամփի 10 թոռներից ավագն է։

«Նա հոգատար պապիկ է, ինձ կոնֆետներ և գազավորված ըմպելիք է տալիս, երբ ծնողներս չեն տեսնում։ Նա հետաքրքրվում է իմ դասերով և իր ընկերներին պատմում է, թե որքան է հպարտանում իր թոռներով։ Շատերն իմ պապիկին ստիպում են անցնել դժոխքի միջով, բայց նա դեռ կանգնած է ոտքերի վրա։ Պապի՛կ, դու ոգեշնչման այնպիսի աղբյուր ես, ես սիրում եմ քեզ: Լրատվամիջոցները պապիկիս ներկայացնում են որպես այլ անձնավորություն, բայց ես նրան ճանաչում եմ այնպիսին, ինչպիսին կա: Նա շատ հոգատար է։ Նա իսկապես ցանկանում է լավագույնն այս երկրի համար և ամեն օր կպայքարի Ամերիկան կրկին հզոր դարձնելու համար»,- ասել է Թրամփի թոռնուհին։