«Անգամ Գերմանիայի կանցլեր Շոլցը ոչ մի կադրում չի երևում». Էդգար Ղազարյան

Ինչպես հայտնել էինք, ՀՀ վարչապետը տիկնոջ հետ երեկ ներկա է գտնվել ֆուտբոլի Եվրոպայի առաջնության Իսպանիա-Անգլիա եզրափակիչ խաղին: Անդրադառնալով այդ իրադարձությանը՝ հասարակական, քաղաքական գործիչ Էդգար Ղազարյանն ասել է. «Ուզում եմ շնորհավորել ֆուտբոլասեր հանրությանը, որովհետև ֆուտբոլի պատմության մեջ տեղի ունեցավ նշանակալի իրադարձություն՝ ֆուտբոլի համաշխարհային լեգենդներից մեկը որոշել էր մասնակցել Եվրոպայի առաջնության եզրափակիչ խաղին, խոսքը՝ Փաշինյանի ու նրա տիկնոջ մասին է: Ինչո՞վ էր բացառիկ. աշխարհի ուրիշ ոչ մի երկրի ղեկավար, բացի նրանցից, որոնց թիմերը մասնակցում էին այդ խաղին, երեկվա հանդիպմանը չի եղել: Անգամ Գերմանիայի կանցլեր Շոլցը ոչ մի կադրում չի երևում: Էդ մարդը Բեռլինում չի գնացել հանդիպումը ստադիոնում նայի, Փաշինյանն ամբողջ ընտանիքով գնացել է Բեռլին՝ ֆուտբոլային խաղը նայելու»: