«Freedom House-ն արցախցիների էթնիկ զտումը պաշտոնապես գնահատել է որպես հանցագործություն». Մենուա Սողոմոնյան

«Հայաքվե նախաձեռնության» անդամ Մենուա Սողոմոնյանի ֆեյսբուքյան գրառումը․ «Freedom House իրավապաշտպան կազմակերպությունն արցախցիների էթնիկ զտումը պաշտոնապես գնահատել է որպես հանցագործություն՝ սահմանված Միջազգային քրեական դատարանի կանոնադրության (Հռոմի ստատուտ) 7-րդ և 8-րդ հոդվածներով (մարդկության դեմ հանցագործություն և պատերազմական հանցագործություն):
ՀՀ Ազգային ժողովը մեծ աղմուկով վավերացրեց Հռոմի ստատուտը՝ ՀՀ անվտանգությունն ապահովելու և Ադրբեջանին պատժելու բարձրագոչ նկատառումներով։ Իսկ ի՞նչ է անում ՀՀ ստախոս ղեկավարությունը հիմա. այո՛, խաղաղություն է մուրում Ադրբեջանից՝ նորանոր զիջումների պատրաստակամությամբ»: