Եվրոպական 3 երկրներ պաշտոնապես ճանաչել են Պաղեստինը
![]() Նորվեգիան, Իռլանդիան և Իսպանիան պաշտոնապես ճանաչել են Պաղեստին պետությունը։ Այս մասին հայտարարել են այդ երկրների վարչապետները։ Որոշումն ուժի մեջ կմտնի մայիսի 28-ից։ «Նորվեգիայի կառավարությունը որոշել է ճանաչել Պաղեստին պետությունը։ Պատերազմի թեժ պահին, երբ տասնյակ հազարավոր մարդիկ են սպանվում և վիրավորվում, մենք պետք է պահպանենք միակ այլընտրանքը, որը քաղաքական լուծում է առաջարկում ինչպես իսրայելցիներին, այնպես էլ պաղեստինցիներին՝ 2 պետություն, որոնք ապրում են կողք կողքի, խաղաղության և անվտանգության մեջ»,- ասել է Նորվեգիայի վարչապետ Յոնաս Գահր Շթյորեն։ Իռլանդիայի վարչապետ Միքալ Մարթինը կառավարության որոշումը «պատմական» է անվանել։ «Սա հստակ և անփոփոխ հայտարարություն է՝ առ այն, որ Մերձավոր Արևելքում խաղաղություն չի կարող լինել այնքան ժամանակ, քանի դեռ իսրայելցի և պաղեստինցի ժողովուրդները հավասարապես չեն իրացրել ինքնորոշման, պետականության, խաղաղության, անվտանգության ու արժանապատվության նույն իրավունքները»,- ասել է նա։ Իսպանիայի վարչապետ Պեդրո Սանչեսը Պաղեստինի վերաբերյալ որոշման մասին հայտարարել է պատգամավորների կոնգրեսում (խորհրդարանի ստորին պալատ) ելույթի ժամանակ, հաղորդում է РИА Новости-ն։ |
«Պետք է զսպել ադրբեջանական ագրեսիվ մղումները»․ Տիգրան Աբրահամյան
1010:18«Հայաստանը պետք է հրաժարվի մեր նկատմամբ տարածքային պահանջներից»․ Ալիև
3310:00«Ժամանակն է դադարեցնել ԵԱՀԿ ՄԽ-ի գործունեությունը»․ Ալիևը՝ Բլինքենին
3709:54«Վաշինգթոնն առաջարկում է գրիչ վերցնել, իսկ Փարիզը «մտրակ» տալու որոշում է կայացնում»․ Հակոբ Բադալյան
8203:24«Ռուսներն ու տեղում նրանց ներկայացուցիչները հեղաշրջում կազմակերպեցին, որի շահառուներից մեկը, պարզվեց, Նիկոլն է»․ Արցախի ԱԺ պատգամավոր
7902:18«Պարզ չէ՞, որ Արցախ հանձնողը կհանձնի նաև «Զանգեզուրի միջանցքը»»․ Գառնիկ Դավթյան
8901:18