Երևան`   +32 °C
Այսօր`   Ուրբաթ, 19 հուլիսի, 2024 թ.

Իրանի նախագահի ուղղաթիռը կոշտ վայրէջք է կատարել

1626
Կիրակի, 19 մայիսի, 2024 թ., 18:18
Իրանի նախագահի ուղղաթիռը կոշտ վայրէջք է կատարել

Իրանի նախագահ Էբրահիմ Ռաիսիին տեղափոխող ուղղաթիռը կոշտ վայրէջք է կատարել Վերզեգան քաղաքից ոչ հեռու՝ Իրան-Ադրբեջան սահմանի մոտ։ Այս մասին հայտնում է իրանական պետական IRNA գործակալությունը։ Նրա խոսքով՝ ինքնաթիռում են եղել նաև Իսլամական Հանրապետության արտաքին գործերի նախարար Հոսեյն Ամիր Աբդոլլահիանը և Իրանի մի քանի այլ պաշտոնյաներ։ Նշվում է, որ դեպքի վայր են ուղարկվել փրկարարական ջոկատներ։ Բարդ եղանակային պայմանները դժվարացնում են փրկարարների մուտքը ուղղաթիռի վայրէջքի վայր, հաղորդում է IRIB հեռուստաալիքը։

Իրանի ներքին գործերի նախարարը հաստատել է նախագահական ուղղաթիռի հետ կապված միջադեպը։ Նա նաև պարզաբանել է, որ արտակարգ դեպքը տեղի է ունեցել մառախուղի պատճառով, իսկ տեղանքը դժվարացնում է դեպքի վայր հասնելը։

Փրկարար խմբերը հասել են այն տարածք, որտեղ կոշտ վայրէջք է կատարել Իրանի նախագահի ուղղաթիռը, հայտնում է IRNA-ն։