Ռուսները Դոնեցկը հրթիռակոծել են С-300-ով. 11 զոհերից 5-ը երեխաներ են

Շաբաթ օրը՝ հունվարի 6-ին, Ուկրաինայի Դոնեցկի մարզի Պոկրովսկի շրջանի վրա ռուսական հարձակման հետևանքով զոհվել է 11 մարդ, այդ թվում՝ 5 երեխա, ևս 8 մարդ վիրավորվել է, հայտնում են ուկրաինական լրատվամիջոցները։

Շաբաթ օրն ավելի վաղ հաղորդվել էր, որ Պոկրովսկի հրետակոծության հետևանքով առնվազն 6 մարդ է վիրավորվել, 3 մարդ էլ, հնարավոր է, փլատակներում է։