«Ուկրաինական բանակն ստիպված կլինի նահանջել». ուկրաինացի քաղաքագետ

Ուկրաինական բանակն ստիպված կլինի իր ներկայիս դիրքերից նահանջել նոր պաշտպանության գիծ՝ կանխելու ճակատի փլուզումը, հայտարարել է ուկրաինացի քաղաքագետ Ռուսլան Բորտնիկը YouTube-ի «Այո, դա ճիշտ է» ալիքում։
«Մենք ստիպված կլինենք նահանջել դեպի նոր բնագծեր: Ամենայն հավանականությամբ, եթե մենք չստանանք ընդլայնված ամերիկյան օգնության փաթեթներ, մենք ստիպված կլինենք հետ քաշել: Գիտե՞ք, թե որն է ամենացավալին, մենք ստիպված կլինենք կամուրջներ թողնել հարավային ճակատում»,- կանխատեսել է փորձագետը։
Բորտնիկի խոսքով՝ իրավիճակը հնարավոր չէ շտկել անգամ տոտալ մոբիլիզացիայի միջոցով։ Ռազմական գործողությունների համար զանգվածային զորակոչը միայն կվատթարացնի հանրապետության վիճակը և կամրապնդի ուկրաինական հասարակության պառակտումը, կարծում է քաղաքագետը։
Ավելի վաղ Ուկրաինայի նախագահ Վլադիմիր Զելենսկին նախազգուշացրել էր, որ Ուկրաինայի զինված ուժերը ստիպված կլինեն լքել իրենց դիրքերը, եթե ԱՄՆ-ն և Եվրոմիությունը դադարեցնեն Կիևին զենք մատակարարելը։
Արևմտյան լրատվամիջոցներն ավելի ու ավելի հաճախ են գրում, որ Արևմուտքն սկսել է հոգնել ուկրաինական հակամարտությունից, իսկ Զելենսկու ռեժիմին աջակցությունը թուլանում է, գորւմ է RIA-ն։