Անկարան՝ քառակողմ հանդիպման մասին

Դեռևս հստակություն չկա Ռուսաստանի, Թուրքիայի, Ադրբեջանի և Հայաստանի ղեկավարների միջև՝ Անկարայի առաջարկած հանդիպման ժամկետների ու վայրի վերաբերյալ, այս մասին РИА Новости-ին հայտնել է դիվանագիտական ​​աղբյուրը։
Նշվում է, որ Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր, որ առաջարկել է քառակողմ հանդիպում անցկացնել, սակայն դեռ պատասխան չի ստացել։ Էրդողանը նշել է, որ մտադիր է այդ հարցը քննարկել Իլհամ Ալիևի հետ։