Էստոնիայի վարչապետի ամուսինը վաճառում է ռուսաստանյան բիզնեսի հետ կապված բաժնետոմսերը

Էստոնիայի վարչապետ Կայա Կալլասի ամուսինը հայտարարել է, որ կվաճառի Ռուսաստանի հետ բիզնես վարող Stark Logistics տրանսպորտային ընկերության իր բոլոր բաժնետոմսերը, հայտնում է РИА Новости-ն:
Հիշեցնենք՝ ՌԴ-ի հետ համագործակցելու լուրը լայն հնչեղություն էր ստացել Էստոնիայում, ընդդիմադիր քաղաքական գործիչները պահանջում էին Կալլասի հրաժարականը։

Վարչապետի ամուսինն ասել է՝ քանի որ իր գործունեությունը ազդում է կնոջ աշխատանքի վրա, ոչ միայն կվաճառի բաժնետոմսերը, այլև կհեռանա ընկերության կառավարման խորհրդից, կհրաժարվի պարտականություններից՝ փոխանցելով այն այլ աշխատակիցների: