«Հայկական մշակութային ժառանգության երեք գոհարները». Վարդան Ոսկանյան

Իրանագետ Վարդան Ոսկանյանի ֆեյսբուքյան գրառումը. «Երեք միջնադարյան վիմագրերից այս պատառիկները հայկական մշակութային ժառանգության երեք գոհարներից՝ Մարմաշենից (Շիրակ), Նորավանքից (Վայոց ձոր) ու Դադիվանքից (Արցախ) են և աներկբայորեն փաստում են մեր հայրենիքի միասնական և հայկականությունից անօտարելի քաղաքական ու քաղաքակրթական օրգանիզմ լինելու հանգամանքը, որի հողի յուրաքանչյուր պատառիկը սրբագործված է ոչ միայն հենց հայերիս մշակութային անօրինակ ջանքով, այլ նաև «թուրքաց դեմ պատերազմներում» մեր նախնյաց հեղած արյամբ։
...Վահրամ իշխանաց իշխանի Հայոց Մեծաց ի ցեղէ Պահլավունի, որ նահատակեցաւ ի թուրքաց պատերազմի... (Մարմաշեն, 11-րդ դ.)
...երկուց հարազատ եղբարցն, որ սպանան ի թուրքաց պատերազմաց... (Նորավանք, 13-րդ դ.)
...անդրանիկն իմ՝ Հասան, սպանաւ ի թուրքաց պատերազմին վասն քրիստոնէական հաւատոյս... (Դադիվանք,13-րդ դ.)»: