«Պատերազմի վտանգը կտրուկ նվազելու է, եթե...». Արման Աբովյան

ՀՀ ԱԺ նախկին պատգամավոր Արման Աբովյանը գրում է. «Չի կարելի մարդկանց խաբել՝ ասելով, որ ամեն ինչ լավ է։
Չի կարելի մարդկանց վախեցնել՝ ասելով, որ «հեսա-հեսա» պատերազմ կսկսվի։
Չի կարելի մարդկանց սին հույսեր տալ՝ ասելով, որ կարելի է թուրք-ադրբեջանական մարդասպանների հետ այս պահին «խաղաղության» հասնել։
Չի կարելի, պարզապես չի կարելի ստել։
Պետք է ընդամենը ընդունել երկու հանգամանք։
1-Թուրք-ադրբեջանական ոհմակը տրամադրված է մինչև վերջ սեղմել Արցախին և Հայաստանին։
2-Եթե դադարենք ինքներս մեզ համոզել, որ անճար ենք, թույլ ենք, անզոր ենք և իբր մեր տեղը ամեն ինչ արդեն որոշված է և ընդհակառակը՝ ներքուստ պատրաստ լինենք կատաղի դիմադրելու, ապա հավատացնում եմ ձեզ՝ պատերազմի վտանգը կտրուկ նվազելու է:
Իսկ Հայաստանի իշխանության քայլերը և թուրք-ադրբեջանական ոհմակի հետ հարաբերվելու փիլիսոփայությունը վտանգները չեզոքացնելու տեղը ընդհակառակը՝ ամեն օր գեներացնում է նոր ռիսկեր և ավելացնում է վտանգները։
Թուրքը չի խփի միայն մեկ դեպքում, եթե համոզված լինի, որ կստանա կատաղի հակահարված՝ առանց հակահայկական «խաղաղասիրական» հիմարությունների»: