ԵՄ-ն Վրաստանին զսպվածության կոչ է արել

ԵՄ-ի արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը անդրադարձել է երեկ Վրաստանում տեղի ունեցած ցույցերին և դրանց հաջորդած բախումներին։

Նա զսպվածության կոչ է արել Վրաստանին և ընդգծել ժողովրդավարությանը, օրենքի գերակայությանն ու մարդու իրավունքներին հավատարիմ մնալու անհրաժեշտությունը։
Բորելը մեկնաբանել է նաև դժգոհությունների պատճառ դարձած օտարերկրյա գործակալների մասին օրինագծը։ Նրա խոսքով՝ օրինագիծը անհամատեղելի է ԵՄ արժեքների հետ և դրա ընդունումը ԵՄ-Վրաստան հարաբերությունների վրա լուրջ հետևանքներ կունենա։