Երևան`   +2 °C
Այսօր`   Հինգշաբթի, 09 փետրվարի, 2023 թ.

«Արցախը, նրա բնակչությունը զոհաբերվում են ի նպաստ նավթի, գազի, էներգիայի». Արայիկ Հարությունյան

464
Հինգշաբթի, 08 դեկտեմբերի, 2022 թ., 22:48
«Արցախը, նրա բնակչությունը զոհաբերվում են ի նպաստ նավթի, գազի, էներգիայի». Արայիկ Հարությունյան

-Ադրբեջանը ցանկանում է իր էներգետիկ ռեսուրսները արտահանել Եվրոպա՝ խիստ ճգնաժամի պահին: Արդյո՞ք դուք զգացողություն ունեք, որ կզոհաբերվեք էներգետիկ այս ճգնաժամին, եթե ընտրություն անելու անհրաժեշտություն լինի,- Արայիկ Հարությունյանին հարց հղեց «Ֆրանս24»-ի լրագրողը:

-Դա մի գործըթաց է, որը տևում է տասնամյակներ շարունակ: Մենք դա միշտ զգացել ենք, իրականում մենք դրա զոհն ենք: Ընտրությունը, թվում է, կատարված է: Արցախը, նրա բնակչությունը զոհաբերվում են ի նպաստ նավթի, գազի, էներգիայի: Հասկանում ենք՝ մարդկությանը պետք են իրական ու շոշափելի բաներ՝ նավթ, գազ, էլեկտրաէներգիա, բարեկեցությունն ավելի է, քան մշակույթը, արժեքները, քան մի ժողովրդի պատմությունը: Դա ծայրահեղ տխուր փաստ է: Եվ ես շատ եմ ափսոսում դրա համար,- պատասխանեց Արցախի նախագահը: