Բեռնափոխադրողները թույլատրված չափը գերազանցելու դեպքում՝ ամեն տոննայի համար կտուգանվեն 200 հազար դրամով

ԱԺ Տնտեսական հարցերի մշտական հանձնաժողովի նիստում ՀՀ վարչապետի աշխատակազմի տեսչական մարմինների աշխատանքների համակարգման գրասենյակի ղեկավարի պարտականությունները կատարող Արմեն Դանիելյանը նշեց, որ Կառավարությունն առաջարկում է մեկ սռնու վրա ընկնող բեռնատար մեքենայի բեռնվածքի թույլատրելի շեմը մինչև մեկ տոննա և ավել յուրաքանչյուր տոննա գերազանցման դեպքում տուգանք սահմանել 200 հազար դրամ։

«Նախագծով առաջարկում ենք յուրաքանչյուր տոննայի համար ավելի բեռնվածքը գերազանցելու դեպքում պատասխանատվության միջոց սահմանել 200 հազար դրամը»,-ասաց նա՝ նշելով, որ նույնիսկ 30-35 տոննա թույլատրելի շեմի գերազանցում է լինում, և այս պարագայում պրոգրեսիայի կիրառումն ավելի քան անհրաժեշտ է և զսպող կլինի: