«Անհապաղ պետք է ընդգրկվեն պատմության և մշակույթի անշարժ հուշարձանների ցանկում»․ Վ․ Թումասյան

«Շիրակ կենտրոն» ՀԿ նախագահ Վահան Թումասյանը գրում է․ «Անհապաղ պետք է ընդգրկվեն պատմության և մշակույթի անշարժ հուշարձանների ցանկում...
Այսօր Շիրակի և Արագածոտնի սահմանագծին, մեր համալիրի դիմացի սարերում էի, առնվազն երկու բնության և պատմական հնամենի վայրերի հանդիպեցի: Մեկը անկրկնելի բնության հուշարձան է՝ Թոնիրների ձորը, մյուսը հին գյուղատեղի։ Պաշտոնական աղբյուրներում որևէ հիշատակման այդ հրաշք վայրերի մասին չեմ հանդիպել, հավանաբար ճանապարհներից հեռու լինելու պատճառով կամ սխալմամբ պատշած ուշադրության չեն արժանանցել, բայց խոսքն ամենևին տեղի, մասնավորապես բագրավանցիների մասին չէ։ Այդ վայրերը նրանց սիրելի և պաշտելի վայրերն են, որոնց մասին կարող են ժամերով պատմել և սիրով ուղեկցել այդ վայրերը։ Կարծում եմ ՀՀ կրթության, գիտության, մշակույթի և սպորտի նախարարության աշխատակիցները կուղղեն այդ սխալն ու մոտ ապագայում կընդգրկեն հուշարձանների ցանկում»։