Ադրբեջանական ֆիլմերը հանվել են Կալգարիի փառատոնի ծրագրից

Կալգարիի Եվրոպական կինոփառատոնի ծրագրից հանվել են ադրբեջանական երկու քարոզչական ֆիլմեր։

Showpass.com տոմսերի վաճառքի և իրադարձությունների և որոնման կայքում ի սկզբանե ներառվել են ադրբեջանական երկու վավերագրական ֆիլմեր՝ «Շուշա, դու ազատ ես» և «Մենք»՝ Արցախում 44-օրյա պատերազմի և Շուշիի օկուպացիայի մասին, որոնք հետագայում հեռացվեցին ծրագրից։ Կինոփառատոնի պաշտոնական կայքում այս ֆիլմերը ցանկում չկան, գրում է «Փաստինֆո»-ն:
Կինոփառատոնի ղեկավարությունը համաձայնել է, որ երկու ֆիլմերը զուտ ռազմական քարոզչություն են և չեն համապատասխանում կինոփառատոնի արժեքներին: