Երևան`   +10 °C
Այսօր`   Հինգշաբթի, 28 մարտի, 2024 թ.

Արոնյանը վերջին տուրում պարտվեց և դուրս մնաց տիտղոսի համար պայքարից

3957
Հինգշաբթի, 30 դեկտեմբերի, 2021 թ., 23:12
Արոնյանը վերջին տուրում պարտվեց և դուրս մնաց տիտղոսի համար պայքարից

Վարշավայում ավարտին մոտեցող շախմատի կայծակնային խաղի աշխարհի առաջնության վերջին տուրում Լևոն Արոնյանը (ԱՄՆ) սևերով պարտվեց Ֆրանսիայի ներկայացուցիչ Ալիռեզա Ֆիրուջային և դուրս մնաց տիտղոսի համար պայքարից։ Արոնյանը 14 միավորով 5-րդ տեղում է։

Ֆիրուջան, լեհ Յան-Կշիշտոֆ Դուդան և ֆրանսիացի Մաքսիմ Վաշյե-Լագրավը վաստակել են 15-ական միավոր։ Լրացուցիչ ցուցանիշով թայ-բրեյքի մասնակցելու իրավունք կստանա նրանցից երկուսը։ ՖԻԴԵ-ն առայժմ չի հրապարակել հաշվարկի արդյունքը։ Հայաստանի ներկայացուցիչներից լավագույն արդյունքն ունի Հայկ Մ․ Մարտիրոսյանը։ Նա 13,5 միավորով բաժանեց 8-18-րդ տեղերը։

Նշենք, որ Լեհաստանի մայրաքաղաքում ընթացող շախմատի աշխարհի առաջնությունում Հայաստանը ներկայացնում են Գաբրիել Սարգսյանը, Սամվել Տեր-Սահակյանը, Շանթ Սարգսյանը, Ռոբերտ Հովհաննիսյանը, Մանուել Պետրոսյանը, Հայկ Մարտիրոսյանը, Հովհաննես Գաբուզյանը, Տիգրան Պետրոսյանը, Սերգեյ Մովսիսյանը, Էլինա Դանիելյանը, Սուսաննա Գաբոյանը:
Շախմատի աշխարհի առաջնության մրցանակային ֆոնդը 1 միլիոն դոլար է: