«Չիմացող մեկը լսի, կմտածի մեռել էինք՝ ԱԱ ու Եվրո-ի մեդալակիր դառնալով»․ Լևոն Պաչաջյան

Հայաստանի ազգային հավաքականի նախկին կիսապաշտպան, Եվրոպայում ՀՖՖ դեսպան Լևոն Պաչաջյանը ֆեյսբուքյան իր էջում գրել է. «Հայկական ֆուտբոլի մասին մի երկու բան էլ ես ասեմ։ Ոնց հասկացա՝ «վերլուծաբանները» իրար հերթ չտալով առաջ են եկել, թե բա՝ անդունդի եզրին ենք: (էս վերջին պահը շատ խնդալու է)
Չիմացող մեկը լսի, կմտածի մեռել էինք ԱԱ ու Եվրո-ի մեդալակիր դառնալով, ակումբներն էլ, իրար հերթ չտալով, ՉԼ ու ԵԼ-ի թիմերին չռթում էին ու հիմա էս ինչ խայտառակ վիճակ է․․․
Իմ մոտ էն տպավորությունն է , որ ոմանք խոսում են, որ չքնեն, կամ էլ, որ չմոռանանք իրենց մասին։
Թեմա է, էլի, բռնել են հազիվ, «վերլուծում են»:
Լավ է՝ էս մի քանի առիթն էլ եղավ, թե չէ ո՞վ էր ձեր մասին հիշելու»։