Պապիկյանը հանդիպել է խաղողագործների ու մթերողների հետ

Փոխվարչապետ Սուրեն Պապիկյանն այցելել է Արմավիրի «Պռոշյանի գինու և կոնյակի գործարան»՝ տեղում ծանոթանալու խաղողի մթերման գործընթացին և դրա շուրջ բարձրաձայնված խնդիրներին: Այս մասին տեղեկանում ենք Պապիկյանի ֆեյսբուքյան էջից։

«Այսօր այցելեցի Արմավիրի «Պռոշյանի գինու և կոնյակի գործարան»՝ տեղում ծանոթանալու խաղողի մթերման գործընթացին և դրա շուրջ բարձրաձայնված խնդիրներին: Զրուցել եմ մթերման հերթում սպասող խաղողագործների և գործարանի տնօրինության հետ՝ լսելով նրանց խնդիրները, վերջիններիս լուծումների վերաբերյալ առաջարկները:
Այդ կապակցությամբ նախատեսում եմ առաջիկայում հանդիպում ունենալ խաղող մթերող խոշոր ընկերությունների ղեկավարների հետ:
Նաև շրջել եմ գործարանի տարածքում, ծանոթացել վերջինիս կարողություններին, ենթակառուցվածքներին, մթերքների ընդունման և մշակման արտադրաշղթային»,- տեղեկացրել է Պապիկյանը: