Հայաստանի 9 ներկայացուցիչ կմասնակցի Serbia Open մրցաշարին

Այսօր Սերբիայի Բելգրադ քաղաքում մեկնարկում Serbia Open միջազգային մրցաշարը, որին մասնակցելու են 41 երկրների 289 շախմատիստ, այդ թվում՝ 52 գրոսմայստեր։ Այս մասին հայտնում են Հայաստանի շախմատի ֆեդերացիայից: Մրցաշարում Հայաստանը կներկայացնեն Հայաստանի տղամարդկանց հավաքականի անդամ, գրոսմայստեր Ռոբերտ Հովհաննիսյանը, Հայաստանի կանանց հավաքականի անդամ, կանանց գրոսմայստեր Աննա Սարգսյանը, գրոսմայստերներ Սամվել Տեր-Սահակյանը, Մանուել Պետրոսյանը, միջազգային վարպետ Մամիկոն Ղարիբյանը, կանանց միջազգային վարպետ Սոնա Ասատրյանը, ՖԻԴԵ-ի վարպետներ Էմին Օհանյանը, Արմեն Բարսեղյանը և կանանց ՖԻԴԵ-ի վարպետ Աննա Խաչատրյանը։ Մրցաշարը կմեկնարկի այսօր և կավարտվի հուլիսի 8-ին։