«Մտահոգված եմ ԼՂ պատերազմի հետևանքով գերեվարված անձանց ճակատագրով»․ ԵԽԽՎ Միգրացիայի հանձնաժողովի նախագահ

ԵԽԽՎ Միգրացիայի հանձնաժողովի նախագահ Պիեռ Ալան Ֆրիդեսը խորապես մտահոգված է ԼՂ պատերազմի հետևանքով գերեվարված և անհետ կորած անձանց ճակատագրով, այս մասին նա հայտարարել է այսօրվա քննարկումների ժամանակ:

Նշվում է, որ Ադրբեջանի կառավարությունը չի պահպանում ՄԻԵԴ սահմանած ժամկետները՝ ներկայացնելու տվյալներ իրենց մոտ պահվող անձանց վերաբերյալ: «Ադրբեջանը պարտավոր է լիարժեքորեն համագործակցել դատարանի հետ՝ տեղեկատվություն տրամադրելով գերիների մասին, ինչպես նաև ապահովել նրանց անհապաղ վերադարձը՝ 2020 թվականի նոյեմբերի 9-10-ի եռակողմ հայտարարության 8-րդ կետի համապատասխան:

Ես նաև մտահոգված եմ անհայտ կորածների ընդհանուր խնդրով։ Եվ՛ Հայաստանը, և՛ Ադրբեջանը պետք է համագործակցեն առանց նախապայմանների, բարեխղճորեն և ԿԽՄԿ-ի օգնությամբ, որպեսզի գտնեն անհայտ կորածների խնդրի լուծումն ու կազմակերպեն բոլոր գերիների արագ ազատ արձակումը»,- ասել է Ֆրիդեսը: