Տիգրան Բարսեղյանը՝ գոլի հեղինակ

Ինչպես հայտնել ենք, ԱԱ-2022-ի ընտրական փուլի 2-րդ տուրում Հայաստանի ազգային հավաքականը սեփական հարկի տակ ընդունել է Իսլանդիայի ընտրանուն։ Առաջին խաղակեսն ավարտվեց առանց գոլի, սակայն երկրորդ խաղակեսի սկզբնամասում Հայաստանի հավաքականն առաջ անցավ հաշվի մեջ։ 53-րդ րոպեին Տիգրան Բարսեղյանի՝ աջ եզրից կատարած հարվածից հետո գնդակը դիպավ դարպասաձողին ու հայտնվեց դարպասում։ Նա իր 7-րդ գոլն է խփում հավաքականի կազմում: