Հայ բռնցքամարտիկները սկսել են նախապատրաստվել նոր մրցաշրջանին
Հայաստանի բռնցքամարտի հավաքականը փորձառու մարզիչ Ռաֆայել Մեհրաբյանի գլխավորությամբ այս օրերին ուսումնամարզական հավաք է անցկացնում Ծաղկաձորի մարզաբազայում՝ նախապատրաստվելով մրցաշրջան 2021-ին: Հավաքի այս փուլում բռնցքամարտիկներն անցկացնում են օրական երկու մարզում՝ հիմնական շեշտը դնելով ընդհանուր ֆիզիկական պատրաստվածության բարելավման վրա: Ռաֆայել Մեհրաբյանի խոսքով՝ մարզիկները սպասվածից ավելի լավ մարզավիճակում են. «Այս հավաքով պատրաստվում ենք Օլիմպիական խաղերի վարկանիշային մրցաշարերին: Հավաքի 70 տոկոսը, կարելի է ասել, նվիրված է ֆիզիկական պատրաստվածությանը, իսկ 30 տոկոսը՝ տեխնիկատակտիկական աշխատանքին: Անկեղծ ասած, չէի սպասում, որ տղաները կդիմանան այսպիսի ծանրաբեռնվածությանը, քանի որ Լոնդոնի վարկանիշային մրցաշարից հետո հավաքներ գրեթե չէինք անցկացրել: Ի զարմանս ինձ՝ տղաները շատ մեծ աշխատանք են կատարում, ինչն ուրախալի է: Լավ մարզումների համար կան բոլոր պայմանները, անգամ եղանակն է ի նպաստ մեզ»: Նշենք, որ Օլիմպիական խաղերի համար վարկանիշային մրցաշարերի նախապատրաստական փուլի շրջանակում հայ բռնցքամարտիկները փետրվարին Սոֆիայում (Բուլղարիա) մասնակցելու են Ստրանջայի միջազգային մրցաշարին: Հիշեցնենք, որ Հայաստանի բռնցքամարտի հավաքականից առայժմ օլիմպիական ուղեգիր է նվաճել միայն 52 կգ քաշային Կորյուն Սողոմոնյանը։ |
Հենրիխ Մխիթարյանի գրառումը՝ Հայոց ցեղասպանության 109-րդ տարելիցի կապակցությամբ
13024.04.2024, 23:54Գագիկ Նավոյանը՝ Հայաստանի մինչև 16 տարեկանների չեմպիոն
12621.04.2024, 16:06Աշխարհի գավաթ․ մարմնամարզիկ Արթուր Դավթյանը՝ 2024 թվականի բացարձակ հաղթող
16420.04.2024, 20:54Բռնցքամարտի Հայաստանի չեմպիոնը Սերբիայում հաղթել է Եվրոպայի չեմպիոնին
17420.04.2024, 17:48Վահագն Դավթյանը Փարիզի 2024թ. Օլիմպիական խաղերի ուղեգիր նվաճեց (լուսանկար)
13819.04.2024, 22:48Շախմատի Եվրոպայի կանանց անհատական առաջնությունում Հայաստանն ունի 4 ներկայացուցիչ
13719.04.2024, 11:00