Երևան`   +10 °C
Այսօր`   Երկուշաբթի, 16 նոյեմբերի, 2026 թ.

Արցախցի կանայք բողոքի ակցիա են անցկացրել ԱՄՆ դեսպանատան առաջ

842
Երկուշաբթի, 02 նոյեմբերի, 2020 թ., 22:55
Արցախցի կանայք բողոքի ակցիա են անցկացրել ԱՄՆ դեսպանատան առաջ

Արցախցի հարյուրավոր կանայք և երեխաներ, կրկին Հայաստանում ԱՄՆ դեսպանատան առաջ են: Բողոքի ակցիայի կազմակերպիչներից Իրինա Սաֆարյանի խոսքերով՝ դեսպանատան առաջ կմնան այնքան ժամանակ, մինչև իրենց հետ հանդիպման գա հենց ինքը՝ դեսպանը: Նրանց պահանջները հստակ են. ճանաչել Արցախի անկախությունը, դատապարտել ագրեսոր Ադրբեջանին և Թուրքիային և օր առաջ կանգնեցնել պատերազմը: Ցուցարարները հիմա նստացույցով են արտահայտում իրենց բողոքը: Արցախցիները իրենց ձայնն են հղում ողջ աշխարհին, որ հստակ քայլեր ձեռնարկեն բոլոր երկրները: Սա՝ այս նախաձեռնության ամենաերկար ցույցերից մեկն էր: Դեսպանի հետ հանդիպումը չի կայացել: