«Արգելել էի ռիսկի դիմել. առավոտյան զանգեցին, ասացին, որ ահաբեկիչ են գերի վերցրել». ԱՀ նախագահ

ԱՀ նախագահ Արայիկ Հարությունյանն այսօր հանդիպել է Արցախյան առաջին պատերազմի լեգենդար հրամանատարներ Վլադիմիր Բալայանի և Շահեն Մեղրյանի անվան կամավորական ջոկատների ազատամարտիկների հետ:

«Այսօր Վլադիմիր Բալայանի անվան ջոկատի զորամիավորման 5 հոգանոց խմբին հաջողվել է հերթական ապացույցն ունենալ և աշխարհին ցույց տալ, որ մենք կռվում ենք վարձկանների դեմ: Իսկ Մեղրյանի անվան խումբը մի քանի օր անընդհատ պայքարում էր ադրբեջանական, թուրքական ամենաէլիտար հատուկ ստորաբաժանումների դեմ Սղնախ-Ավետարանոց հատվածում՝ մեծ վնաս հասցնելով նրանց»,- ասել է Արայիկ Հարությունյանը:

Արցախի նախագահը պետական բարձր մրցանակներ է շնորհել հայրենիքը պաշտպանող կամավորականներին:

«Երբ Ալեքսեյ Բալայանն ինձ իրիկունը զանգել էր, ասաց, որ ուզում են գնալ վարձկան-ահաբեկիչներ բերեն՝ որպես ապացույց ողջ աշխարհին, ես կատեգորիկ արգելել եմ՝ ասելով ռիսկի չդիմեք, իսկ առավոտյան արդեն ժամը 7-ի կողմերը կապ են հաստատում և ասում՝ մեկին գերել ենք, հնարավորություն ունենք ևս գերելու, ասացի՝ էլ այդ հնարավորությունը չօգտագործեք, որովհետև ձեր ամեն մի կյանքը շատ ավելին է, քան՝ վարձկան գերի վերցնելը, կամ տասնապատիկ վնաս հասցնելը հակառակորդին»,- ասել է նախագահը՝ նրանց պարգևատրելով պետական բարձր մրցանակներով:

Մանրամասները՝ տեսանյութում: