ԵՄ երկրներ, որտեղ #COVID_19-ի բռնկման գագաթնակետը դեռ առջևում է

Համաձայն Հիվանդությունների կանխարգելման և վերահսկման եվրոպական կենտրոնի տվյալների (ECDC)՝ կա եվրոպական հինգ երկիր, որտեղ դեռ չի հաղթահարվել կորոնավիրուսի համավարակի գագաթնակետը, գրում է Reuters-ը:
Կենտրոնի տնօրեն Անդրեա Ամմոնը հայտարարել է, որ Բուլղարիայում դեռ գրանցվում է COVID-19 դեպքերի ավելացում: Միևնույն ժամանակ, Մեծ Բրիտանիայում, Լեհաստանում, Ռումինիայում և Շվեդիայում «վերջին 14 օրվա ընթացքում չեն արձանագրվել էական փոփոխություններ»:
Մինչդեռ եվրոպական մյուս բոլոր երկրներում նկատվում է հիվանդության դեպքերի նվազում: