Ռուսաստանում մեկ օրում գրանցվել է վարակի 9 623 նոր դեպք

Վերջին մեկ օրում Ռուսաստանում գրանցվել է կորոնավիրուսով վարակվածության 9 623 նոր դեպք․ հաստատված դեպքերի ընդհանուր թիվը հասել է 124 054-ի։ Բոլոր նոր դեպքերի 47%-ի մոտ հիվանդությունը չունի ախտանիշներ, փոխանցում է ТАСС-ը։ Հիվանդության նոր դեպքերի ամենամեծ թիվը Մոսկվայում է՝ 5 358 մարդ: Մերձմոսկվայում գրանցվել է 807 նոր դեպք, Սանկտ Պետերբուրգում՝ 323։ Նախօրեին հիվանդությունից մահացել է 57 մարդ, ապաքինվել՝ 1 723 հիվանդ: Համաձայն շտաբի տվյալների՝ հիվանդների թվի աճը պայմանավորված է համավարակի ախտանշման թեստերի արդյունքների ստացման արագացմամբ։