Վրաստանում կորոնավիրուսի հաստատված դեպքերի թիվը հասել է 582-ի

Վրաստանում հաստատվել է կորոնավիրուսի 582 դեպք՝ նախօրեին վարակակիրներն ավելացել են 16-ով։ Համաձայն StopCov կայքի տվյալների՝ ապաքինվել է 207 քաղաքացի, մահացել՝ 7 հիվանդ: Կարանտինում է գտնվում 5 025 քաղաքացի, ստացիոնար բուժում ստանում՝ 540 պացիենտ: Վրաստանում կորոնավիրուսի հաստատված առաջին դեպքը գրանցվել է փետրվարի 26-ին: Մարտի վերջին երկրում սահմանված արտակարգ դրությունը երկարաձգվել է մինչև մայիսի 22-ը: