Չինաստանում #COVID_19 կորոնավիրուսի վարակակիր է համարվում 599 մարդ

Չինաստանում վարակակիր է համարվում 599 մարդ: Այս մասին այսօր հայտարարել է Չինաստանի հիգիենայի և առողջության հարցերով պետական կոմիտեն, հայտնում է ТАСС-ը:
Այս ցուցանիշը մեկ օրվա ընթացքում նվազել է 3%-ով: Երկրում նախօրդ մեկ օրվա ընթացքում հայտնաբերվել է կորոնավիրուսի 12 նոր դեպք, որից 6-ը ժամանել են արտերկրից: Չինաստանում հինգերորդ օրն անընդմեջ մահվան նոր դեպքեր չեն արձանագրվել։
Մարտի 29-ին Չինաստանը հայտարարել է երկրում համաճարակի տարածման ավարտի մասին: Համաձայն ապրիլի սկզբի տվյալների՝ կորոնավիրուսով վարակված մարդկանց 94%-ը լիովին ապաքինվել է: 2019-ի դեկտեմբերից ի վեր Չինաստանում կորոնավիրուսով պայմանավորված բարդություններից մահացել է 4 633 մարդ, գրանցվել է համավարակի 82 874 դեպք: