Վրաստանում կորոնավիրուսի հաստատված դեպքերի թիվը հասել է 511-ի

Վրաստանում հաստատվել է կորոնավիրուսի 511 դեպք՝ նախօրեին վարակակիրներն ավելացել են 11-ով։ Համաձայն StopCov կայքի տվյալների՝ ապաքինվել է 156 քաղաքացի, մահացել՝ 6 հիվանդ: Կարանտինում է գտնվում 5 083 քաղաքացի, ստացիոնար բուժում ստանում՝ 558 պացիենտ: Վրաստանում կորոնավիրուսի հաստատված առաջին դեպքը գրանցվել է փետրվարի 26-ին: Մարտի վերջին երկրում սահմանված արտակարգ դրությունը երկարաձգվել է մինչև մայիսի 22-ը: