Ռուսաստանում 874 զինծառայող վարակված է #COVID_19 կորոնավիրուսով

Մարտից մինչև ապրիլի 26-ն ընկած ժամանակահատվածում Ռուսաստանի Դաշնության զինված ուժերում հայտնաբերվել է կորոնավիրուսի համավարակի մոտ 900 դեպք: Այս մասին հայտնել է ՌԴ պաշտպանության նախարարությունը, գրում է ТАСС-ը:
Վարակակիրներից 314-ը բուժում են ստանում Պաշտպանության նախարարության հոսպիտալներում, 175-ը՝ մեկուսացման կենտրոնների հերթապահ մասում, ևս 6-ը՝ քաղաքացիական առողջության համակարգի բժշկական հաստատություններում: 379 մարդ տանն է մեկուսացված:

Բացի այդ, կորոնավիրուս է հաստատվել նաև Պաշտպանության նախարարության 779 կուրսանտների ու ռազմական ուսումնական հաստատությունների ուսանողների մոտ: Նախապատրաստական ուսումնական հաստատություններում հիվանդ է 192 անձ, այդ թվում՝ մանկավարժներ: