Ռուսաստանում արձանագրվել է կորոնավիրուսով վարակվածության 4 875 նոր դեպք

Վերջին մեկ օրում Ռուսաստանում գրանցվել է կորոնավիրուսով վարակվածության 4 875 նոր դեպք (+15%), ընդհանուր դեպքերի թիվը կազմում է 36 793։ Այս մասին հայտնել է կորոնավիրուսի տարածման դեմ պայքարող օպերատիվ շտաբը, փոխանցում է ТАСС-ը։ Ապաքինվել է 3 057 մարդ, մահացել՝ 313-ը։ Համավարակը հայտնաբերվել է երկրի 85 շրջանում։ Նախօրեին ապաքինվել է 467 մարդ, մահացել՝ 40-ը։ Մոսկվայում գրանցվել է կորոնավիրուսի համավարակի նոր 2 649 դեպք, ընդհանուր առմամբ վարակակիր է ավելի քան 20 754 մարդ: