Աշխարհում #COVID_19 կորոնավիրուսով վարակվածների թիվը․ ԹԱՐՄ ՏՎՅԱԼՆԵՐ

Աշխարհում գրանցվել է կորոնավիրուսի 1․844 մլն դեպք՝ համաձայն Առողջապահության համաշխարհային կազմակերպության (ԱՀԿ) տվյալների։ Ջոնս Հոփքինսի համալսարանի հետազոտական կենտրոնների տվյալներով՝ աշխարհում վարակվածների թիվը գերազանցել է 2․064 մլն-ը, գրում է РБК-ն։ Հաստատված դեպքերի թվով առաջատարը, ըստ Ջոնս Հոփքինսի համալսարանի տվյալների, շարունակում է մնալ Միացյալ Նահանգները (639 հազար): Երկրորդ տեղում Իսպանիան է (180․6 հազար), Իտալիան երրորդն է (165․1 հազար), Գերմանիան 4-րդ տեղում է (134.7 հազար), Ֆրանսիան 5-րդ տեղում է (134․5 հազար), Չինաստանը վարակվածների թվով արդեն 6-րդն է (83 000): Չինաստանում ապաքինվել է 77․800 մարդ։ Ընդհանուր առմամբ, աշխարհում կորոնավիրուսից մահացել է 123․7 հազար մարդ՝ ըստ Ջոնս Հոփքինսի համալսարանի: