Ռուսաստանում արձանագրվել է կորոնավիրուսով վարակվածության 2558 նոր դեպք. օպերատիվ շտաբ

Վերջին մեկ օրում Ռուսաստանում գրանցվել է կորոնավիրուսով վարակվածության 2 558 դեպք: Այս մասին հայտնել է կորոնավիրուսի տարածման դեմ պայքարող օպերատիվ շտաբը, փոխանցում է Интерфакс-ը։

Նախօրեին մահացել է 18 մարդ։ Նոր դեպքերը գրանցվել են երկրի 62 շրջաններում։ Մոսկվայում 1355 դեպք, Մերձմոսկվայում՝ 495 դեպք, Սանկտ Պետերբուրգում՝ 121, Տվերի մարզում՝ 44 և Կրասնոդարի երկրամասում՝ 41։ Վարակվածների ընդհանուր թիվը կազմում է 18 328, մահացել է ընդհանուր առմամբ 148 մարդ։