Չինաստանից տարհանված ՀՀ քաղաքացին Ղազախստանում 14 օր կմնա կարանտինում

Ղազախստանի կառավարության պաշտոնական կայքը հաղորդագրություն է տարածել, համաձայն որի, Ղազախստանի կառավարությունը փետրվարի 2-ին կազմակերպել է Չինաստանից Ղազախստանի 83 քաղաքացիների տարհանումը, այդ թվում Հայաստանի և Բելառուսի իշխանությունների խնդրանքով տարհանվել են նաև այդ երկրների քաղաքացիները: Հայտնի է, որ տարհանվածները բուժզննում անցնելուց հետո տեղափոխվել են կարանտինային գոտի, որտեղ կանցկացնեն 14 օր: Կարանտինային գոտին գտնվում է քաղաքից 7 կմ հեռավորության վրա՝ հիվանդանոցի առանձին մասանաշենքում։ Նշվում է, որ տարհանված քաղաքացիների հարազատները ծանուցվել են կարանտինի շրջանում գործող կանոնների մասին: