«Ազգայինի քողի տակ անձնական շահն են պաշտպանում». Փաշինյան

Ազային ժողովում պատասխանելով հայրենագիտական առարկաների՝ ոչ մասնագիտական բուհերում ոչ պարտադիր լինելու որոշմանը վերաբերող հարցին, Նիկոլ Փաշինյանը ասաց. «Երբ որ մենք ասում ենք՝ մեր բուհերում հայոց լեզվի ուսումնառությունը պետք է պարտադիր լինի, նշանակում է՝ առաջնորդվում ենք այն կանխավարկածով, որ մենք դպրոցներում հայոց լեզու ու պատմություն չենք սովորեցնում: Նաև տրվում է ակադեմիական ազատություն՝ որ բուհն ուզում է, որ իր համար լինի պարտադիր, թող լինի պարտադիր: Բայց եթե մենք ուզում ենք տեխնոլոգիական, արդյունաբերական, երկիր ունենալ, պետք է մեր ևʹ բուհերում, ևʹ ուրիշ տեղերում դասաժամերը ճիշտ բաշխենք:

Հետաքրքիրն այն է, որ մենք որոշում ենք, որ կիբեռնետիկայի ֆակուլտետում որոշ առարկաներ պարտադիր չեն լինի, բողոքում են այն ֆակուլտետները, որոնց համար այդ առարկաները ոչ միայն պարտադիր են, այլև՝ մասնագիտական: Նրանք պնդում են, թե մեր ապագայի աշխատատեղերն եք փակում: Այսինքն, ազգայինի քողի տակ անձնական շահն են պաշտպանում»: