«Գիտնականների վարձատրության մակարդակն այն չէ, ինչ մենք ուզում ենք տեսնել». նախարար

«Ես չէի ցանկանա, որ նման հակադրություն դնեինք: Յուրաքանչյուրը կարևոր տեղ ունի մեր պետության զարգացման գործում և յուրաքանչյուրը պետք է պատշաճ կերպով վարձատրվի: Ուսուցիչների աշխատավարձի 10 տոկոսով բարձրացումը դեռևս այն մակարդակը չէ, որ մենք ուզում ենք տեսնել: Գիտնականների վարձատրության այն մակարդակը, որ հիմա կա, այն չէ, ինչ մենք ուզում ենք տեսնել». հոկտեմբերի 31-ին ասաց ԿԳՄՍ նախարար Արայիկ Հարությունյանը՝ այն հարցին ի պատասխան, թե ինչո՞ւ է ուսուցչի աշխատավարձը բարձրացվում, գիտնականինը՝ ոչ:

Նախարարը նշեց, որ պետական ֆինանսական միջոցների ավելացմանը զուգընթաց աշխատավարձերի բարձրացում կարվի՝ միաժամանակ մտածելով համակարգերի արդյունավետության բարձրացման մասին: