Միջադեպ Արսեն Թորոսյանի ասուլիսի ժամանակ. նախարարը լքեց դահլիճը

Ինչպես արդեն հայտնել էինք, ՀՀ առողջապահության նախարար Արսեն Թորոսյանը մամուլի ասուլիս էր հրավիրել:

Ասուլիսի ժամանակ Արսեն Թորոսյանը ներկայացնում էր ՀՀ-ում գործող առողջապահական կենտրոններում տիրող իրավիճակը: Նախարարը խոսեց նաև Յոլյանի անվան Արյունաբանական կենտրոնում իրականացվելիք նոր ծրագրերի մասին, որոնցից մեկն էլ արյան խմբի վերաբերյալ նոր համակարգի ներդնումն է: Սակայն ասուլիսն ընդհատվեց, երբ սրահ մտավ Ռ. Հ. Յոլյանի անվ. Արյունաբանական կենտրոնի Մանկական քաղցկեղի և արյան հիվանդությունների կենտրոնի ղեկավար Գևորգ Թամամյանը, ով վերջերս հրաժարվել էր նախարարի խորհրդականի պաշտոնից՝ Թորոսյանին մեղադրելով պոպուլիզմի ու առողջապահության ոլորտը ձախողելու համար: Նա խնդրեց, որ նախարարը պատասխանի նաև իր հարցերին, սակայն Արսեն Թորոսյանը լքեց դահլիճը: