Հայ բասկետբոլիստները հերթական պարտությունը կրեցին

Բասկետբոլի Հայաստանի մինչև 18 տարեկանների հավաքականը Անդորրայում մասնակցում է Եվրոպայի C դիվիզիոնի առաջնությանը։ Երեկ կայացած 5-9-րդ տեղերի համար խաղում մեր հավաքականը 76։81 հաշվով պարտվեց Անդորրայի ընտրանուն։ Հաջորդ հանդիպումը Հայաստանի հավաքականը կանցկացնի օգոստոսի 4-ին՝ Մոլդովայի հավաքականի դեմ։

Հիշեցնենք, որ խմբային փուլի առաջին խաղում մեր հավաքականը 81։82 հաշվով պարտվել էր Մալթայի ընտրանուն, երկրորդ խաղում՝ 57։77 հաշվով Ալբանիայի ընտրանուն, երրորդ խաղում՝ 57։69 հաշվով Ջիբրալթարի հավաքականին, իսկ չորրորդ խաղում՝ 60:72 հաշվով Սան Մարինոյի հավաքականին։